Hinar einu sönnu hryllingsmyndir

Undanfari hrollvekja er expressjónisminn sem birtist í sinni ógurlegu mynd í málverkum Edwards Munch, Emil Nolde, Kathe Köllwitz o.fl. fyrir og um aldarmótin 19. og 20. Og voru það hryllingsmyndir síns tíma.

           Edward Munch gerði slatta af vampírumyndum í grafík og málverk. Eitt þeirra má sjá í Listasafni íslands þessa dagana.  Myndin sem ég birti hér er frá árinu 1902 og er í sömu myndröð og sú sem er til sýnis í listasafninu.  Myndin til hægri er eftir Emil Nolde og er frá árinu 1911.

Til þessara listamanna horfðu svo þýskir kvikmyndagerðarmenn eins og Robert Weine (Das Cabinet der Dr. Calgari,1920), Fritz Lang (Der Mude Tod, 1921 og Metropolis, 1927 ) og F.W. Murnau (Nosferatu, 1922) og sóttu ímyndir og andrúm í málverk þeirra.

Expressjónisminn er því örlagavaldur á hrollvekjur samtímans.

Ég hef alltaf gaman að svona vinsældarlistum sem ég er að hengja mig við og mér sýnist þetta nú vera bara topp tíu listinn hans Bigga.  Engin frekari könnun eða úttekt.

En sem einlægur aðdáandi sígildra svarthvítra mynda að þá vantar auðvitað helstu hrollvekjur sögunnar á listann. 

það er t.d. glæpur að setja ekki Nosferatu á hrekkjarvökukvikmyndalista. Hún er alger snilld og líka undirstaða fyrir svo margar seinni tíma hrollvekjur.

Og ekki má heldur gleyma Bride of Frankenstein (James Whale, 1935). Karloff útgáfan af Frankenstein er Hrekkjavökuímynd "from hell", auk þess er þetta ein besta hrollvekja sem sést hefur á hvíta tjaldinu.

Spurning líka um Young Frankenstein (Mel Brooks, 1974).

10 bestu hrollvekjurnar fyrir Hrekkjavöku

Athugasemdir

[Máni Ragnar Svansson, 1.11.2008 kl. 16:44]

Þegar ég horfi á efstu myndina til hægri eftir Edward Munch, finnst mér neðsta andlitið til hægri líkjast óneitanlega Birni Bjarnasyni og gula andlitið fyrir ofan líkjast Davíð Oddssyni, en þetta er bara mín sýn og ég efast um að Munch hafi haft þá í huga á sínum tíma.

Mín sýn á Vampíruna, er að hún endurspeglar þau öfl sem mergsjúga orkuna úr heilbrigðu fólki til að næra sína fölsku mynd um ódauðleika

Mín sýn á Frankenstein, erum við sjálf, endurgerð mannvera á vísindalegann hátt, sálarlaus og algjörlega háð þeim öflum sem hafa skapað hana

[Máni Ragnar Svansson, 1.11.2008 kl. 16:47]

Ég meinti að myndin til hægri væri eftir Emile Nolde

[Kristinn (IP-tala skráð) 1.11.2008 kl. 21:29]

En það getur ekki verið að Björn Bjarnason sé þarna því hvað væri Kári Stefánsson þá að gera með?