Velkomin

Allir velkomnir á opnun sýningarinnar Welcome í Gallerí 100° í kvöld klukkan 18:00.

Þar sýna 5 listamenn frá Króatíu sem voru valdir af Radmilu Ivu Jankovic, sýningarstjóra hjá Samtímalistasafninu í Zagreb.

Til umfjöllunar er ferðamannalandið Króatía og er sýningin sett upp þannig að frá fyrsta til síðasta listaverks kemst maður, sem ferðamaður um sýninguna, dýpra inn í menningu landsins, sem, líkt og önnur lönd, er hægt og rólega að tapa eigin menningararfi og sigla inn í hnattvæðinguna.

Á opnun fremja listamenn gjörninga.

Sýningin er hluti af Listahátíð í Reykjavík.  

Gallerí 100° er að Bæjarhálsi 1, húsi Orkuveitu Reykjavíkur og hafa veitumenn staðið sig frábærlega í öllu sem viðkemur sýningunni.  Ber ég Kolbeini Bjarnasyni sérstakar þakkir hér á blogginu mínu sem og Helga "Skjaldbreiða".

Áfram niður bloggsíðuna eru kynningar á listamönnunum  fimm.

Athugasemdir

[Ragga (IP-tala skráð) 16.5.2008 kl. 16:05]

Ég ætla mér að sjá þessa sýningu þótt ég efi að ég nái að mæta á opnunina.

[Hrafnhildur Ýr Vilbertsdóttir, 17.5.2008 kl. 01:22]

Leitt að komast ekki en takk fyrir góðar kynningar á listamönnum..

[Steinunn Helga Sigurðardóttir, 17.5.2008 kl. 10:41]

takk fyrir þetta, ég er nú fjarri góðu ganni, ætla bara að vera i garðavinnu um helgina.

hafðu fallegan laugardag

steina