Þar sem fjörið er

Ég skrifaði Af listum pistil í Moggann í dag þar sem ég velti fyrir mér stefnu stjórnar LHÍ með að vilja skólann við Laugaveg.  Er þá ekki að hugsa um borgarmynd eða húsvernd við Laugaveg, heldur hvaða menntastefnu megi lesa úr því að vilja stjórnar á að hafa skólann við Laugaveg en ekki í Vatnsmýrina, þar sem skólinn á land.

Kostir við að vera í Vatnsmýrinni væri samneyti við Háskóla Íslands þar sem hægt væri að sækja í frekari fræðigreinar.  Ókostir væru hætta á einhverskonar samruna í komandi framtíð.  En þar sem að listnám byggir á annarskonar nálgun en bóklegt nám gerir að þá þarf LHÍ sjálfstæði til að geta slitið sig frá kerfislægri menntun.  "Hin listakademíska mótsögn felst þá í því að listmenntun skuli vera óháð menntakerfinu sem hún stólar á."

Varðandi ákvörðunina um að reisa húsnæði skólans við Laugaveg, þar sem fjörið er en ekki fræðin, rifja ég upp "Fame drauminn" sem ég man eftir að allnokkrir listunnendur göntuðust með þegar skólinn var stofnaður. Og nú verður hann að veruleika. Því þarna eiga að vera uppákomur fyrir gesti og gangandi, opinn sýningarsalur, tónleikasalur, leiksalur, kaffihús og verslun. "Við erum því ekki bara að tala um menntastofnun heldur líka menningarsamkomuhús, eða einhverskonar listmenntakringlu við Laugaveg."

Að lokum tel ég að kaffihús og verslun eða þvíumlíkt dugi ekki til til að skapa tengsl við almenning.

Þetta eru semsagt málefnin sem legg fram í pistlinum (Get því miður ekki linkað á hann án lykilorðs sem ég má ekki gefa upp). Það er reyndar margt annað sem mætti ræða varðandi framtíð myndlistarnáms og stöðu skólans sem "akademía". En það bíður þá betri tíma.

Athugasemdir

[Anna Jóelsdóttir (IP-tala skráð) 15.8.2008 kl. 19:09]

eg hef ekki fylgst nogu vel med umraedunni heima til ad vita hver tilgangur skolans er ad saekjast eftir Laugaveginum frekar en Vatnsmyrinni  fyrir skolann. Listahaskolinn her i Chicago stendur  vid adalgotuna i midborginni. En hann er tengur vid Listasafnid og kennir sig vid pad.The School of the Art Institute of Chicago. Fyrir nemanda i skolanum er ometanlegt ad geta gengid innanhuss inna safnid enda er pad mikid notad til kennslu. Madur var oft sendur jafnvel ur tima inna safn til ad kikja a eitthvad sem var talid gagnlegt fyrir mann. Hvernig vaeri frekar ad hugsa um nytt og staerra Listasafn  Islands i Vatnsmyrinni og tengja skolann pvi. Padan er  stutt  i akademinuna, pjodminjarnar, bokasafnid..

kanski er petta allt pegar utpaelt og akvedid..

enn og aftur afsaka eg stafrofsprobblem!

[Ásdís (IP-tala skráð) 15.8.2008 kl. 21:22]

Ansi er ég hrædd um að hér vanti einmitt að hlutirnir séu nægjanlega útpældir. Rekur minni Til að Hildur Margrétardóttir hafi skrifað grein fyrir nokkrum árum, þegar þessi mál voru enn eina ferðina til umræðu. Þar tæpir hún á því að Listaháskóli er hvorki hús né staðsetning heldur miklu fremur nemendur, kennarar og góð stefna. Ekki misskilja mig, það þarf auðvitað að leysa húsnæðismálin en hvað með Laugarnesið? Þar er allavega eins og er nægt rými og fjarlægðin frá miðbænum er nú alveg viðráðanleg.

[Ransu, 15.8.2008 kl. 22:40]

Anna. Þjóðminjasafnið og Þjóðmenningarhúsið eru þarna hjá Háskóla Íslands svo að bygging í vatnsmýrinni væri svosem nálægt.  Listasafn Íslnds vantar vissulega stærra og nýtt hús og það væri örugglega ekki verra að það væri í nálægð við LHÍ.

Ásdís. Hugmyndin er auðvitað að allar deildir sameinist undir einu þaki.  Laugarnesið er vissulega stórt en það er óhentugt og vont. Mér skilst að það standist ekki lög varðandi glugga o.fl. sem eiga við um skólabyggingar.  Breytingar væru víst svo kostnaðarsamar að það væri betra að rífa það og byggja annað.  Þetta er það sem ég hef heyrt varðandi Laugarnesið.

Man ekki eftir þessari grein Hildar en athuga á greinarsafninu við næsta tækifæri.  En ég kom inn á svipað í pistlinum.  Að það væru framkvæmdir þeirra sem koma að skólanum sem sköpuðu tengsl við samfélagið, ekki staðsetningin. Svo að við Hildur erum augljóslega sammála.  Hins vegar má svo bæta við þetta að myndlistardeildin hefur nú verið frekar þögul gegn um tíðina.

[Anna Jóelsdóttir (IP-tala skráð) 16.8.2008 kl. 12:21]

god stefna ( er haegt ad vera sammala um stefnu! ?hmmm) og afgerandii kennarar eru audvitad lykiladtridi fyrir listnamid og vaeri gaman ef umraeda gaeti snuist um pann patt fremur en husnaedid. Og pa ma aftur spyrja- ef stefnan og kennararnir eru pottpett parf pa nokkud ad hafa ahyggjur af hvort skolinn er i hringidunni a Laugaveginum eda uti myri  eda telur pu Ransu ad stadarvalid se partur af nyrri stefnuyfirlysingu?.Ottastu ad skolinn missi eitthvad sem hann hafdi eda ad Laugavegur se  "villugata" og eins og pu skrifar ad skolinn pynnist ut i einhvers konar kaffihusa moll ? Min reynsla af pavi ad vera i Listahaskola vid adalgotu sem eg nefndi i gaer er su ad pegar madur er komin i hus og i tima pa gleypir skolinn mann og madur hefur hvorki tima ne hugsun til  ad spa i hvar husid sem madur er i er  stadsett fyrr en haldid er i lestina ad kvoldi.

[Ransu, 16.8.2008 kl. 13:09]

Staðsetning er að mínu mati stefnuyfirlýsing, Anna. Sérstaklega ef valið stendur á milli Laugavegs og Vatnsmýri.  Hins vegar má vera að landið í vatnsmýrinni hafi ekki hentað skólabyggingu af þessari stærðargráðu.  Engu að síður hefur rektor lýst ítrekað áhuga á miðbænum fyrir skólann. 

Ég er aftur á móti ekki að meina að skólinn sé endilega að þynnast út. Hann hefur í raun aldrei fengið að festast í form ennþá. Og  má frekar spyrja hversu langt hann hefur þróast sem akademía á sínum líftíma, með tilheyrandi rannsóknartíma fyrir prófessora. Þessvegna kynni samneyti við fræðin að hjálpa til.  

Laugarvegsstefnan er í takt við "Fame" og reyndar þróun myndlistar sem "artentainment", "Post-art" og allt það sem hún hefur verið að stefna í undanfarinn áratug.

Það að hafa LHÍ verslun og kaffihús fyrir gesti og gangandi þykir mér bara fyndið og því kallaði ég þetta "Listmenntakringlu við Laugarveg".

Ég er reyndar að fara kenna 1. árinu strax í ágúst og hlakka til að taka þátt í skólaumræðunni í Lauganesinu.