Hildur í ISCP

Árið 2006 var ég í gestavinnustofu ISCP (International Studio and Curatorial Program) í New York borg.

Þetta er frábært prógramm þar sem að listamenn frá hinum ýmsu heimsálfum eru saman komnir á einum bletti hittast og deila saman reynslu sinni.  Auk þess að gagnrýnendur, galleríistar og safnstjórar koma þarna í boði stofnunarinnar.  Maður fær speglun á verk sín og máski gott tenglanet.

Ég var fyrsti íslendingurinn til að taka þátt. En nú er það Hildur Bjarnadóttir sem heldur uppi heiðri okkar.

Þetta er auðvitað rándýrt dæmi og ógerlegt nema með styrkjum og starfslaunum.  Öll önnur Norðurlöndin eru með fast pláss og halda samkeppni þar sem einhver er valinn til að dvelja í hálft eða eitt ár (hálft ár er lámark fyrir svona dæmi).

Mér leið pínu eins og sveitastrák þegar ég var í ISCP, þarna t.d. voru á sama tíma Su Mei Tse (Lúxemborg), Patricia Piccinini (Ástralíu), Carlos Bunga (Portúgal) og Kirsten Justesen (Danmörku).

Ég fer alltaf af og til á síðuna til að skoða hvað sé í gangi og hverjir eru þarna. Sá t.d. að Jasper Just er núna í Danska stúdíóinu (sá sem var með videóið á carnegie sýningunni og fékk 2. verðlaun). 

Það væri óskandi að íslendingar tæku sér fast pláss í ISCP. Þetta er magnað dæmi.

HÉR má sjá síðuna.

Athugasemdir

[Anna Jóelsdóttir (IP-tala skráð) 8.9.2008 kl. 14:00]

islendingar hljota ad fa ser plass parna ef marka ma dugnadinn og metnadinn vid ad koma landinu a listakort heimsins..pad vaeri frabaert utspi eda segjum fjarfesting svo notad se baedi peninga og iprotta mal!