Gulldrengurinn

Horfði á Ragnar Kjartansson í þættinum hjá Evu Maríu. Hann var flottur og hefur vafalaust heillað marga en að sama skapi farið í taugarnar á öðrum.

Ég get verið sammála Hannesi Sigurðssyni, þegar hann kallaði Ragga "Gulldrenginn" okkar, í ræðu sinni á opnun Sjónlistaverðlauna, og vænti meira en silfurmedalíu frá honum á Feneyjartvíæringnum.  Soldil pressa. En við bindum vonir við hann.

Ragnar nær að tengja poppsöngvarann og leikhúsið við myndlistina  Þó er varasamt að hampa því sem meginmáli. Eins og að núna sé málið að myndlistarmenn tengi sig annað. Ég hef svosem heyrt flott tónverk eftir Kurt Schwitters (myndlistarmann) og Marcel Duchamp (myndlistarmaður) og Eric Satie (tónskáld) léku saman í kvikmynd. Listamenn hafa semsagt tengt listmiðla í 90 ár. Hins vegar gerir Ragnar það fantavel og bætir skemmtuninni við (artentainment). Gerir þetta allt að sínu, enda "performer" af Guðs náð.

Það átti augljóslega að vera ögrandi atriði þáttarins að Ragnar segði það engan vanda að mála málverk. Að það væri bara tómstundargaman á meðan hugmyndalistin væri alvöru vinna, að svara e-meilum og svoleiðis.

Það var fyndið hjá honum. Ég hló allavega.  Ekki síst vegna þess að ég hef séð málverkin hans og get tekið undir það að hann er tómstundarmálari.

En hann er flottur konseptlistamaður, að svara e-meilum og svoleiðis.

HÉR er heimasíða kappans.

Athugasemdir

[Birna Mjöll Atladóttir, 5.10.2008 kl. 23:54]

Ég er sammála þér.  Strákurinn var flottur, sá besti sem ég hef séð í langan tíma.  Það þurfti engin kerti eða önnur gleðiljós á meðan áviðtalinu stóð.  Það geislaði svo af honum.

Flottur drengur.

[Kristbergur O Pétursson, 6.10.2008 kl. 09:21]

Ragnar er með rætur í leikhúslífinu frá uppeldinu, kannski í músíkinni líka. Hann er þá með þetta í blóðinu og ætti að geta staðið vel  undir öllum krosstengingum milli listgreina. Það er enginn vandi að gera það sem maður kann og það gildir einnig um málaralist.

Kannski er gamla pönkslagorðið hans Einars Arnar enn í fullu gildi: Það er ekki spurning um að geta heldur að gera. En pönkið var samt ekkert tómstundaföndur. Ragnar vill kannski kalla sig tómstundamálara, hann um það.

Ragnar hnjóðar í málaralistina á gamalkunnugan hátt: Málarar versus konseptlistamenn. Handverkið versus hugvitið. Þessi ágreiningur er á rætur að rekja til deilna SÚMaranna við Septem-hópinn fyrir um 40 árum.

Skrítið að þessi löngu liðna deila, þetta rykfallna erfðagóss, þessi uppvakningur genginn upp að hnjám, skuli enn leggjast í ættir listamanna í þriðju eða fjórðu kynslóð í formi skætings í spjallþætti.

[Ransu, 6.10.2008 kl. 09:47]

Held, Kristbergur, að þessi yfirlýsing Ragnars hafi frekar verið í gamansamt skot en ekki SÚM-Septem deila.  þetta var frekar til að sýna visst kæruleysi og léttleika þessa kynslóðar vesrus alvarleika fyrrennaranna.

[Kristbergur O Pétursson, 6.10.2008 kl. 10:07]

Jú Ransu það má vera rétt. Ég sá ekki þáttinn, best að taka það fram. Hins vegar er það spurning hvernig almenningur túlkar grínið.  Ef Ragnar er að sneiða að málurum sem framleiða sæta sölukúnst fyrir andvaralausan markhóp í neyslusamfélaginu þá er ég sammála honum. 

Nema að greinarmunur á þannig málurum og dýpra þenkjandi listamönnum á sviði málverksins sé tómt grín líka.

Ætli heimurinn standi ekki á tímamótum? Öll gildi og viðmið tekin til endurmats í ringulreið heimskreppunnar.

[Ragga (IP-tala skráð) 6.10.2008 kl. 10:14]

Hann var flottur og skemmtilegur í þessum þætti og ég tók einmitt sérstaklega eftir þessu kommenti hans um málara en mér fannst það vera í meira gríni heldur en hitt.

[johann (IP-tala skráð) 6.10.2008 kl. 10:31]

Madurinn thjaist af thvi sem er kallad "minnimattarkennd" og "athyglissyki" a hau stigi, thad er audvitad audvelt ad sneida ad folki sem vinnur fyrir peningum sinum..madur sem lifir af styrkjum. List Ragnars er andlaus fyrirsjaanleg ironia, sama gamla rispada platan, enn ein lifandi astaeda thess ad afnema skuli listamannalaun med ollu. Litlir saetir solumalarar borga skatta af sinni audmjuku vinnu, sidan er Ragnari greidd laun af thessum skottum...vidbjodur!

[Kristbergur O Pétursson, 6.10.2008 kl. 10:42]

Tvískipting milli vitsmunalegrar listar og tilfinningalegrar. Apollo versus Dýonísos. Dylan versus Jagger.

Bob Dylan, sá vitsmunalegi og pólitíski spekingur, sagði einu sinni við Jagger: "Ég hefði auðveldlega getað samið Satisfaction, en þú hefðir ekki getað samið "Blowing in the wind".

Jagger svaraði: "Sammála, en mér þætti gaman að sjá þig reyna að syngja Satisfaction á sviði". 

[Hlynur Hallsson, 6.10.2008 kl. 11:10]

Þetta var afar skemmtilegur og fróðlegur þáttur hjá Evu Maríu og Raggi er náttúrulega snillingur. Kaldhæðinn og skemmtilegur.

En dæmigert að svo komi einhver náungi sem þorir ekki að skrifa undir fullu nafni hér (johann) og bulli eitthvað hér um að Raggi vinni ekki fyrir peningunum sínum. Hann gerir það margfalt.

Bestu kveðjur,

[steingrimur j (IP-tala skráð) 6.10.2008 kl. 12:41]

Fyndid thegar rettmaet gagnryni kemur fram er thad kallad "bull" og Stasi vill vita hver eg er. Thetta eru ekki peningarnir "hans" Hlynur, skattborgararnir fa reikningin og almenningur hefur ekkert med thessa "einkavinavaedingu" ad gera. Eg helt ad rettlaetiskennd thin vaeri sterk Hlynur, en thad fer liklega bara eftir thvi hver a i hlut eins og er svo daemigert med marga vinstri sinnada listamenn, their eru audvitad allt of politiskir til ad geta lagt hlutlaust mat.

[Berglind Guðmundsdóttir (IP-tala skráð) 6.10.2008 kl. 14:28]

Steingrímur, Jóhann eða hvað sem þú heitir nú, ég er algerlega sammála þér.  Ríkisstyrktir listamenn eru einhver tímaskekkja - af hverju getur þessi maður ekki aflað sér tekna og borgað skatta eins og vin hin?  Ég tala nú ekki um ef hann er svona mikill snillingur.  Mér finnst að maðurinn eigi að afla tekna með list sinni og borga skatta.  En hann er vissulega glaðlegur og skemmtilegur - það má hann eiga.

[Ransu, 6.10.2008 kl. 14:51]

Það kostar nú sitt að fara á Feneyjarbiennalinn Berglind og Jóhann (verð að játa að ég féll fyrir þessum Steingrím J. brandara -er greinilega með svona aulahúmor, en það er rétt hjá Hlyni að það væri viðkunnanlegra að koma fram undir fullu nafni. Hvað um það...).

Ekki á Ragnar að afgreiða í Bónus eða á bensínstöð til að fjármagna ferðina til Feneyja eða þá gerð listverkanna fyrir það eða önnur myndlistarstórmót. Ekki frekar en Ólafur Stef og handknattleiksmenn gera fyrir Ólimpíuleika.

Við viljum jú gullmedalíuna, "Palm´dor".

[judas (IP-tala skráð) 6.10.2008 kl. 16:52]

Ja eg veit, medaliur hofda til thessa folks, jarnkrossin vaeri videigandi fyrir thennan her sannleikans. Eg held ad eg lati thetta verda min sidustu ord her i bili, hef a tilfinningunni ad hreinskilni min se farinn ad fara i taugarnar a folki.

En eg thakka ther Ransu fyrir ad leifa mer ad koma "othaegilegum" skodunum a framfaeri, vardandi dulnefni, tha thekki eg thennan bransa "mjog" vel og veit hvad bidur theirra sem gagnryna. Ofsoknir, rannsoknarretturinn, utilokun osvfr..

[Anna Jóelsdóttir (IP-tala skráð) 6.10.2008 kl. 17:39]

auðvitað veit Ragnar að málverkið er vegna sögubaggans meðal  erfiðari miðla

að sjalfsögðu gengur hann útfra því að allir skilji það,hann er klárari en það að farað upphefja sjáfan sig á kostnað kollega sinna,

ég er nú bara að kommentera á það sem ég les hér fyrir ofan, hefði svo gjarnan viljað sjá þennan þátt..

gaman að fylgjast með umræðunni.. og öllum skoðanna skalanum,,

'huldumaðurinn' Johann og Co er skemmtilegt, pínu erfitt stef í frekar taktföstu flæði..kanski er hann bara 'alterego' einhvers sem stundar það  sem listgrein að pirra..mér finnst þú Johann skemmtilegur..haltu bara áfram að gelta ..

[Elfar Logi Hannesson, 6.10.2008 kl. 18:03]

Sá nú ekki þennan þátt frekar en aðra í þesssari línu finnst þeir ósköp slappir og væmnir, en get hinsvegar tekið undir að Raggi er flottur listamaður frískur og hugmyndaríkur, og á eftir að bæta mörgum rósum í hnappagatið 

[Kristbergur O Pétursson, 7.10.2008 kl. 09:00]

Sammála, Ragnar er frískur og hugmyndaríkur, óska honum góðs gengis í Feneyjum.

Það verða alltaf deilur um listamannalaun eins og ráðstöfun á opinberu fé yfirleitt. Mig minnir að Áslaug Thorlacius, formaður SÍM, hafi gert tölfræðilega grein fyrir tekjum ríkiskassans af myndlist og -listamönnum móti launaliðnum umdeilda, starfslaunum listamanna. Ransu veit kannski meira um það og hvar hægt sé að skoða þessar tölur.

Í núverandi ástandi efnahagsmála má búast við að harðar verði deilt á listamannalaun. Vissulega má búast við að tekjur ríkisins af listum dragist saman á næstu árum og þessvegna má einnig búast við niðurskurði á listamannalaunum. En niðurfelling þeirra, er það ekki fullmikið?

Listamannalaun eru skattskyld laun, úthlutun þeirra háð ströngum skilyrðum og eru endurkræf standi listamaðurinn ekki við sett skilyrði.

Ríkið hefur tekjur af listamönnum og verkum þeirra bæði lífs og liðnum, einnig þeim sem aldrei fengu listamannalaun. Ríkið mun eftir sem áður fá í kassann þessar tekjur þó að listamannalaun verði lögð niður.

Þorri íslensku þjóðarinnar mun verða að herða að sér sultarólina næstu misserin. Listamenn halda áfram að éta úr nefinu á sér eins og venjulega. Það er þó skárra heldur en að hafa asklok fyrir himin. 

[Kristbergur O Pétursson, 8.10.2008 kl. 08:19]

Ég sá viðtalið við Ragnar endursýnt í gær. Það er ljóst að ég var að gera úlfalda úr mýflugu og hafa hann fyrir rangri sök og biðst afsökunar á því. Hann var einfaldlega að bera saman mismunandi vinnuálag listamanna sem vinna í ólíkum listgreinum, á sinn grínaktuga hátt og alls ekki að tala niður til málara. Þetta var í heildina bráðskemmtilegt viðtal.

Það er að minnsta kosti dagljóst að Ragnar er tilbúinn að leggja hart að sér á allan hátt í listinni, til dæmis í gjörningunum.

Ef Feneyjatvíæringurinn er dæmi um Evró-list vona ég að hann komi þar ferskur inn og komi liðinu að minnsta kosti til að brosa.