Fjárfesting framtíðinnar

Í efnahagshruni eru einhverjir sem þó eiga aura en treysta ekki bönkum lengur fyrir þeim og vilja fjárfesta í einhverju áþreifanlegu sem að auki hefur eitthvað dýpra verðmæti en tóm verðbréf. 

Varla er ekki hægt að fá vaxtalaus lán til listaverkakaupa í dag, en það hefur verið hægt undanfarin ár.

Ég sá að Gallerí Fold var að auglýsa uppboð á verkum með yfirskriftinni. "Nú er rétti tíminn til að kaupa list", og verður þessi prýðis geómetría eftir Dieter Roth á meðal verkanna sem boðin verða upp. 

Og þau hjá Fold er ekki einu sem líta þannig á stöðuna.

Lars Ulrich, trommari hljómsveitarinnar Metallica, hefur sett málverk eftir Jean-Michael Basquiat, heitinn, á sölu.

Lars hefur átt verkið, Untitled Boxer (sjá mynd), eftir þennan snilling nýja expressjónism- ans í 10 ár og er tilbúinn að skilja við það núna, enda metið á 6 milljónir punda (sem erfitt er að reikna þessa dagana í gengi ísl. krónu. En er u.þ.b. 1100.000.000 kr.).

Í grein New York Times (sjá HÉR) er fjallað um málið og hefst hún á orðunum; "As the financial markets skid wildly, some collectors are waging bets that art will be viewed as a safe haven".

Borgað fyrir að yfirtaka lán

Athugasemdir

[Birna (IP-tala skráð) 11.10.2008 kl. 07:10]

Mikid er eg fegin ad bua i Bandarikjunum:)

[Kristbergur O Pétursson, 11.10.2008 kl. 09:02]

það má búast við verðfalli á myndlist. Erfiðir tímar framundan hjá galleríunum.

[judas (IP-tala skráð) 11.10.2008 kl. 09:39]

Morg galleri munu fara a hausinn um allan heim, thetta mun bittna hart a samtimalistinni hun er thvi midur oft a tidum alika innistaedulaus og verdbrefin, folk mun saekja i auknum maeli i varnleg verdmaeti (thad sem telst oruggt). Her a landi hafa bankarnir stutt dyggilega vid samtimalistinna, hver onnur syningin a faetur annari hefur verid styrkt af Kaupthing og Landsbanka, heilsidu auglysingar i mogganum thottu ekkert tiltoku mal, bladamenn og fjolmidlar toku ospart thatt i thessum farsa og snobbi. Er ekki sagt ad myndlistin endrurspegli samtiman, hvad hefur hun verid ad spegla? Tomhyggjuna og innihaldsleysid.

[Anna Jóelsdóttir (IP-tala skráð) 11.10.2008 kl. 14:11]

galleríin verða að aðlaga sig eins og aðrir..og á eftir að koma í ljós í hverju sú aðlögun felst...ég talaði við eitt gallerí hér í Chicago í gær frekar ungt..var gott að heyra gleði í rödd eigandans ..sagði að sala hefði verið lífleg sl viku mas selt til Bretlands og Hollands ...ég vil trúa því að fólk muni sækja  í listir í auknum mæli bæði til að auðga andann og til fjárfestingar....því hún er jú eitt límið sem heldur þessu öllu saman..