Íslensk samtímalist er nú fátækari

Trúði ekki mínum eigin eyrum þegar konan mín sagði mér að Gunnar Örn væri látinn.  Og að lesa þessa sorgarfrétt er einsog að fá högg í brjóstið.  

Ég kynntist Gunnari ekki gegn um listina heldur rérum við á sömu andlegu mið um tíma.  Ég mat hann mikils, bæði sem manneskju og myndlistarmann. Einlægur með fagra sál.

Íslensk samtímalist er fátækari þegar maður eins og Gunnar fellur frá. En að sama skapi ber að þakka allt það sem listamaðurinn gaf í lifanda lífi, og gerði okkur andlega ríkari.

Gunnar Örn Gunnarsson listmálari látinn

Athugasemdir

[Hólmdís Hjartardóttir, 1.4.2008 kl. 03:57]

Hann hefur ekki verið gamall.

[Kristbergur O Pétursson, 2.4.2008 kl. 08:56]

Ég man fyrst eftir verkum Gunnars í sýningarsal FÍM við Laugarnesveg 1978. Það var stöðug þróun í verkum hans. Maðurinn með ljáinn heggur ótt og títt í raðir íslenskra myndlistarmanna: Magnús Kjartansson, Birgir Andrésson og nú Gunnar Örn, allir látnir langt fyrir aldur fram.