Rýmið á milli

Sýning Guðrúnar Veru Hjartardóttur, Áhorfandi, opnaði í Deiglunni á Akureyri á laugardaginn var.

Þetta var huggulegasta opnun.

Sýningin er samsett úr skúlptúr og vídeói.

Fyrst ber að huga að því að rými Deiglunnar er ekki þetta dæmigerða kubbarými. Þetta er stórfurðulegt rými með tröppugangi sem endar í vegg og nýtist því vel sem bíósýningarsalur.

Guðrún Vera nýtir sér þessi sérkenni rýmisins þannig að fígúra, ein og yfirgefin, situr á einni tröppunni og horfir á bíótjald.

Myndskeiðið á tjaldinu er í hægagangi og sýnir þéttsetnar tröppurnar af fólki sem situr og horfir til fram.  Myndskeiðið (sem var tekið í Deiglunni) er spegilmynd rýmisins frá sjónarhorni fígúrunnar

Áhorfandi (þú eða ég) sem kemur inn í salinn lendir þarna á milli.  Honum er meinaður aðgangur að tröppunum þar sem fígúran situr. Hann horfir á þrívíðan veruleikann í fjarlægð eins og tvívíða myndina og er staðsettur í rými á milli listaverks sem horfir á listaverk eða ígildi áhorfanda sem horfir á ígildi áhorfanda.

Athugasemdir

[Hrafnhildur Ýr Vilbertsdóttir, 28.4.2008 kl. 13:09]

'Eg er  þátttakandi í verkinu, sit í annari röð fyrir miðju, komst því miður ekki til að sjá sýninguna sjálfa, var á kafi í próflestri...til lukku með konuna þína

[Ransu, 28.4.2008 kl. 21:07]

Takk, sá þig þarna í röðinni og þekkti af mynd.

Gangi þér vel í prófunum.

[Ólafur Þórðarson, 29.4.2008 kl. 03:50]

Já þetta er flott konsept. Kem til landsins um helgina, verður sýningin enn uppi?

kv. 

veffari 

[Ransu, 29.4.2008 kl. 09:46]

Já, Veffari. Sýningin er til 11. maí.