Drepinn í nafni myndlistar

Árið 2007 hélt listamaður, Guillermo Vargas Habacuc, sýningu í heimalandi sínu, Kosta Ríka sem hét "You are what you read".  Á sýningunni batt hann hund við vegg án drykkjar og matar þar til hann svalt til dauða.

Á veggnum var titill sýningarinnar skrifaður með hundakexi.

Eftir sýninguna svaraði Vargas ásökunum þannig að öllum væri skítsama ef hundurinn væri að svelta á götunni. Og benti svo á að sýningargestir hefðu vel getað skipt sér að hundinum og gefið honum að borða eða drekka.

Það er út af fyrir sig einkennilegt að fólk hafi ekki gert nokkurn skapaðan hlut í galleríinu. En varla horfir maður á sveltandi hund með sama hætti og maður horfir á málverk eða höggmynd.

Hins vegar er listamaðurinn augljóslega alvarlega siðblindur (og galleríisti hans líka).

Á netinu gengur nú um beiðni sem er beint til skipuleggjanda á Honduras biennalnum, en þar stendur til að Vargas endurgeri verkið og er óskað eftir því að honum verði meinað að gera það.  Að annar hundur verði ekki drepinn í nafni myndlistar. 

Yfir milljón manns hafa skrifa undir beiðnina.

http://www.petitiononline.com/ea6gk/petition.html

Athugasemdir

[Ransu, 29.4.2008 kl. 21:33]

Ég veit satt að segja ekki hvar þú skrifar undir mótmælalista við því sem þú nefnir, Laissez-Faire, en þeir eru vafalaust til á netinu.

Sjálfur blogga ég bara um efni tengt listum og hef því látið matarvenjur þjóða eiga sig.

[alva (IP-tala skráð) 29.4.2008 kl. 22:56]

Sæll, er það ekki þetta sem er allt að drepa í nútímasamfélagi - almennt afskiptaleysi.

[ingvar (IP-tala skráð) 29.4.2008 kl. 23:45]

Já þetta var fróðlegt Ransu....................og svakalega ógeðslegt en engu að síður vekur mann til umhugsunar..........ég held að það megi samt gera það á annan hátt

kveðja Ingvar 

[Ólafur Þórðarson, 30.4.2008 kl. 01:21]

Einstaklega áhugavert listaverk. Eða er þessi list nær kröfuspjald um dýravernd en list? Stundum þykir mér erfitt að sjá á milli hvað er list og hvað er ekki list, spurninghvort nægi að "vekja fólk til umhugsunar" því þá eru bækur sjálfsagt nærtækasta listin og með mestu dýptinni. Svo er nú staðreynd að matur er lyst og hungur getur verið listaukandi.

Vissulega á þetta verk að vekja fólk til umhugsunar um þetta vonlausa mál sem lausagangshundar eru. Eins og eitthvað sé við því að gera. Varla er hægt að gefa öllum þessum hundum að borða? Eða hvað? Gefa þeim að borða og setja pilluna með?

[Björn Kristinsson (IP-tala skráð) 30.4.2008 kl. 07:43]

Sýnist þetta nú vera hálfgerður Lúkas. Jú hundur var hafður til sýnis, en restin meira og minna útursnúningur eða uppspuni.

Sjá t.d. http://www.snopes.com/critters/crusader/vargas.asp

[Jói (IP-tala skráð) 30.4.2008 kl. 07:43]

Ég heyrði því fleygt að listamaðurinn hefði einungis startað þeim orðrómi sjálfur að hundurinn hefði drepist en að hann væri við hestaheilsu núna. Ég er sammála því að þetta sé siðblint en magnaðast af öllu þykir mér þó að sjá að milljón manns hafi skrifað undir lista sem er ef til vill byggður á misskilningi.

[Ransu, 30.4.2008 kl. 08:57]

Hef reyndar lesið margskonar útgáfur af þessu  Datt jafnvel í hug að beiðnin væri gjörningur í sjálfu sér.

The Human society vill meina að hundurinn hafi verið sveltur. Og fordæmir misnotkun á dýrum í listum.

World Society for the Protection of Animals (WSPA) finnur ekki næg gögn til að styðja þessa ásökun. því ekki finnst hundurinn til að bera vitni. Og er sátt við að vargas sýni í biennalnum svo lengi sem engu dýri sé misboðið.

Vafalaust mun verkið vera gert þar að nýju því biennallinn hefur sennilega aldrei fengið svona mikla athygli í fjölmiðlum fyrir opnun.  En væntanlega verður þá strangt eftirlit á hundinum.

Þannig er staðan í hálfleik

[Bergþóra Jónsdóttir, 30.4.2008 kl. 09:12]

Hæ Ransu

Auðvitað er það siðblinda að drepa hund viljandi.  En spurningin er samt, eins og listamaðurinn segir:  Hver drap hundinn?  Erum við ekki öll að "drepa hundinn" alla daga með almennu sinnuleysi og skorti á náungakærleik.  Mér finnst þetta merkilegt verk.

[Bergþóra Jónsdóttir, 30.4.2008 kl. 09:12]

Gleymdi að kvitta - sorrí

kv.

Begga

[thora gunnarsdottir (IP-tala skráð) 30.4.2008 kl. 13:50]

ég sá umfjöllun um sýningu fyrir mörgum árum síðan í Kaupmannahöfn. listamaður frá Costa Rica (hvað er þetta með þetta land) sýndi 3 blandara og í hverjum var gullfiskur. gerningurinn var hvort einhver sýningargestur þyrði að setja í gang. þarna eins og nú var valdið gefið áhorfandanum. enginn þorði á opnuninni en dýraverndarsamtök gerðu allt vitlaust og vildu að sýningunni yrði lokað sem var ekki gert. síðasta sýningardag setti einhver sýningargestur einn blandarann í gang.

spurningin er náttúrulega hve langt göngum við listamenn í að vekja athygli á hörmungum heimsins. línan er mjó og þessi ágæti maður, hversu svo sem vel hann ætlaði sér að drepa á málinu í fyrstu, gersamlega ofbauð okkur hinum

ég heyrði fyrst af þessu máli á október og þá fundust mér allar heimildir koma gegn um bloggsíður sem stundum eru nú ekki áreiðanlegustu heimildir sem maður kemst í. ég gat hvorki fundið upplýsingar frá listamanninum sjálfum né galleríinu. fróðlegt verður að sjá hvað hann kemst langt í Hondúras...ætli hann sér sömu leið yfir höfuð.

[Ransu, 30.4.2008 kl. 15:27]

Björn minnist á, Lúkas. Hehehe, ég fattaði ekki samhengið stax (Hugsaði um Sankta Lúkas, verndara lista). Þetta væri vafalaust stærsta Lúkasarmál sögunnar ef það reyndist svo vera að hundurinn væri við "hestaheilsu".

Hvað þá ef listamaðurinn hefur komið þessu af stað sjálfur, eins og Jói segir.  Að hann hafi séð fram á að kexstafirnir og sprækur rakki væri óttalega ómerkilegt í sjálfu sér, hleypt þá af stað sögusögnum og gersamlega misst stjórn á þeim.

Þá er hann ekki siðblindur. Bara frekar óheppinn.

Mjög óheppinn. 

[Anna (IP-tala skráð) 30.4.2008 kl. 21:27]

naest pegar eithvad lifandi er bundid , hraert i blandara til ad lata drepast i nafni listarinnar geta menn einfaldlega notad edlileg vidbrogd sin og frelsad dyrin eins og gert er t.d pegar kottur lendir uppi tre, pad hlyti ad gledja listamanninn ad sja ad mannskepnan er er etv betri en hann helt

PS. Ransu sidan pin vill ekki islensa stafi ur minni tolvu her fyrir westan

[Jói (IP-tala skráð) 1.5.2008 kl. 01:14]

Hahaha, já virkilega óheppinn. Eða heppinn athyglinnar vegna, ef hann sjálfur trúir því að öll athygli, neikvæð sem jákvæð, sé af hinu góða.

[Sveinn í Felli (IP-tala skráð) 2.5.2008 kl. 15:55]

"Þú ert það sem þú borðar" - og hundurinn fékk ekkert að borða (þrátt fyrir væntanlega straum af artífartí-liði fyrir framan hornið hans), og varð þannig að engu - eða hvað ?

Hefði listamaðurinn verið minna siðblindur ef hann hefði notað aðra dýrategund, segjum páfagauka eða gullfiska ? Þá hefði væntanlega verið erfiðara að ná fram tilvísunum verksins, þó sjálfsagt sé hægt að skrifa textann með fuglakorni eða fiskafóðri.

Kannski er samhengi við þá staðreynd að í mörgum/(flestum?) borgum mið- og suðurameríku er töluvert um útigangshunda, eiginlega svo jaðrar við að vera vandamál?

Fróðlegur pistill hjá þér.

[Anna, 3.5.2008 kl. 09:03]

Innlitskvitt.- gaman að detta niður á fróðlegri síður en sitt eigið heimilislega blogg Mjög fróðlegt, ég bæti þessari síðu örugglega  á listann góða.  En varðandi ofangreinda færslu  þá er þetta ógeðfelldur vinkill á listinni að mér finnst.  Lífi fórnað fyrir pælingar.