Enn einn topp 10 listinn. Þessi er yfir 10 bestur abstraktmálara samtímans (og miðast við starfandi listmálara) eftir mínu höfði

Nú dynja yfir okkur topp 10 listar næstu vikurnar eða þar til í byrjun næsta árs.

Mér finnst viðeigandi að ég komi hér loks með topp 10 í abstraktmáverkinu.  Ég íhugaði að láta sjálfan mig í 7 sæti eins og Liam Gallagher í Oasis sem setti eigin hljómsveit á lista yfir 10 bestu. En ég ákvað að halda mér fyrir utan svo ég yrði ekki sakaður um hlutdrægni. Auk þess ákvað ég að raða ekki í sæti.

Ég þekki auðvitað ekki alla abstraktmálara í heimi, en þessi listi miðast við þá sem eru alþjóðlega starfandi og er auðvitað minn "smekkur" og uppáhald. 

Uppröðunin er eftir útlenskri stafrófsröð.

   Tomma Abts (f. Þýskalandi, 1967)

 

  Philippe Decrauzat (f. Sviss, 1974)

 

  Raoul de Keyser (f. Belgíu, 1930)

 

  Bernard Frize (f. Frakklandi, 1949)

 

  Olav Chr. Jensen (f. Noregi, 1954)

 

  Jonathan Lasker (f. BNA, 1948)

 

  Julie Mehretu (f. Eþíópíu, 1970)

 

 Sarah Morris (f. Englandi. 1967)

 

  Olivier Mosset (f. Sviss, 1933)

 

  Sean Scully (f. Írlandi, 1945)

The Dark Knight á meðal 10 bestu mynda ársins

Athugasemdir

[Kristbergur O Pétursson, 18.12.2008 kl. 09:34]

Svona topplistar eru smekksatriði.

[judas (IP-tala skráð) 18.12.2008 kl. 13:16]

Ég mundi vara mig á að bera mig saman við Liam Gallagher, Oasis á fyllilega skilið að vera á topp 10 listanum yfir leiðinlegustu hljómsveitir allra tíma, Liam er greinilega með John Lennon á heilanum og vill líkjast honum, en munurinn á þeim tveim er að Liam hefur enga hæfileika. Það er gott að sjá að abstraktmálverkið heldur lífi, gott dæmi um það að það er hægt að setja módernismann í endalausa endurvinnslu. Það leyfist að endurvinna ákveðnar hugmyndir ef þær eru innan marka módernismans. En er þetta abstrakt? Er þetta ekki dollaramerkið hér fyrir ofan og gluggar í háhýsi?

[Ransu, 18.12.2008 kl. 23:39]

Nei, nei, Kristbergur. Þetta er rakinn sannleikur, óskeikull topp 10 listi...

Og Júdas ég er næsta sammála þér með Oasis.

Hvað varðar abstraktsjónina að þá er dollaramerki í eðli sínu abstrakt og þetta er í sjálfu sér formrænt málverk ekki raunsæ mynd af merkinu og byggir á gestaltískri skynheildarfræði a-la Bauhaus, innform-útforn og allt það.

Eftir að dulrænan fór hallandi fæti í abstraktsjóninni eins og öðru hefur nálgunin verið önnur. Oft tengdari samfélagslegri geometríu, Þ.e. breytingin frá hugmynd frumherjanna um tilhneigingar náttúrunnar til að leita eftir jafnvægi, yfir í hugmyndir um tilhneigingu samfélagsins til að leita eftir jafnvægi

Þannig verða verk Söru Morris blanda á milli abstraktverka Mondrians og ímynda háhýsa, en samt hrein og klár geometrísk formfræði á myndfleti.

Viðmið Sean Scullys eru veggir. Ég sá yfirlitssýningu hans í Haus der Kunst í Munchen. Þar voru auk málverkanna ljósmyndir af skúrum, girðingum ofl. manngerðum veggjum sem höfðu línulagaðan strúktúr. Þannig að viðmiðin urðu gegnsæ. Á sama tíma voru málverkin pjúra litaflæmi. Ég sá líka sýninguna hans í Metropolitan í hittifyrra og þar virkuðu myndirnar eins og einhverskonar hleðsla.

Mehretu og Lasker eru dæmi um einhverskonar Comic abstraction. Og svona má áfram telja. Abstraktsjónin, eins og annað í listinni, er orðin gegnsæ.

[erling ólafsson (IP-tala skráð) 24.12.2008 kl. 13:01]

ómerkilegur listi og óþjóðlegur,  ekkert íslenskt,  ég segi nú samt gleðileg jól.