Verðsamanburður

 Miðsumarnótt Svavars Guðnasonar frá árinu 1944 (100x128 cm) fer þá svipuðu verði hjá Fold og:

 Victor Vasarely frá 1967 (48x45 cm.)

Luciano fabro frá 1967 (199x194 cm)

Cindy Sherman frá 1983 (88x60 cm.)

 

Yves Klein frá frá 1957 (35x30x28 cm)

hjá Sotheby´s um daginn.

Með skekkjumörk of eða van.

Svavar á 4,4 milljónir

Athugasemdir

[prentari (IP-tala skráð) 11.2.2009 kl. 14:37]

Og þá spyr maður sig, hvert þessara verka hefði maður splæst á sig fyrir 4,4 milljónir? (eftir að hafa veðsett íbúðina). Mér sýnist Vasarely vera girnilegastur eða Klein þótt Cindy sé dálítið uppáhald prentarans.

En svo hugsar maður sig um og segir: What the hell. Kaupi frekar notaðan Range Rover.

[Ransu, 11.2.2009 kl. 15:54]

Held að Vasarely hefði nú verið mitt val þótt gaman væri að eiga blán hnött á stofuborðinu. Þ.e. ef maður ætti fjórarkommafjórar "to spare".

Róverinn má vera áfram á bílasölunum mín vegna

[prentari (IP-tala skráð) 11.2.2009 kl. 19:32]

Æ fyrirgefðu smekklausa kaldhæðnina með róverinn. Veit að hér eiga eingöngu við umræður um menningu og listir og því í hæsta máta taktlaust að skrifa um jafn útvötnuð fyrirbrigði og bifreiðar. En val þitt kemur ekki á óvart. En svona okkar á milli: Hvað fæ ég marga fersentimetra af Ransu fyrir 4,4?

[Ransu, 11.2.2009 kl. 21:45]

Öll sýningin mín í Turpentine þessa dagana er samanlagt um 2,5 (alls 10 málverk).  Er ekki viss með  fermetrafjöldann á henni.

Annars var tíðin að Kjarval var mældur út frá Róver. Svipað og Picasso var mældur út frá fermetrafjölda á íbúð á Manhattan..

Sú tíð er liðin hjá Kjarval.  Veit ekki með Picasso.

[Sveinn í Felli (IP-tala skráð) 16.2.2009 kl. 11:04]

Var það ekki Hallgrímur Helga sem sagði einusinni að kílóið af Kjarval væri á 700 þúsund kall ? Man ekki alveg upphæðina, kannski var þetta í gamalkrónum, en allavega var mælieiningin kíló.

Annars mætti kannski nota aðra einingu um fegurð þessara verka; talað hefur verið um að mæla kvenlega fegurð í millíhelenum. Það er sú fegurð sem nægir til að menn ýti skipi úr vör og leggi í leiðangur. Heil Helen er þá þúsund skip.