Náttföt Julians Schnabels boðin upp á EBay

Til og með 21. degi þessa mánaðar má bjóða í náttföt á EBay sem Julian Schnabel klæddist þegar hann sat fyrir í ljósmynd Annie Lebovitz.

Náttfötin eru einstök fyrir þær sakir að þau eru útslett málningu, Máski hefur Schnabel fengið yfir sig andagift eina nóttina og rokið til og málað eitthvað meistaraverkið. Nú eða bara slett á fötin sem props fyrir myndatökuna.

Náttfötin eru líka signeruð eins og hvert annað málverk eftir meistarann og þeim fylgir jafnframt eintak af mynd Annie Lebovitz af Schnabel.

Ágoðinn af uppboðinu mun renna til Dumbo Art Centerí Brooklyn NYC sem er "Non-profit" listamiðstöð sem stendur fyrir sýningum og uppákomum í Brooklyn, þ.á.m. árlegri sýningu undir Brooklyn brúnni.

Fyrir áhugasama þá má bjóða í náttfötin HÉR

Athugasemdir

[Ragga (IP-tala skráð) 16.2.2009 kl. 15:34]

Hummm... mig vantar náttföt en mér sýnist þessi litur ekki fara vel við augun mín.

[Hildur Helga Sigurðardóttir, 16.2.2009 kl. 17:43]

Skyldi vera hægt að nálgast náttföt Jasons Pollock á E-Bay ?   Nei, sennilega var Lebow. ekki byrjuð í bransanum þegar hann var upp á sitt besta.

Verst að Helgi Hós. var ekki í náttfötum þegar hann hóf að sletta skyrinu hérna um árið.  (Salan á þeim gæti haldið gamla manninum uppi í ellinni).

Bara svona frjálst hugarflæði  -enda bjóða þínir skemmtilegu fróðleiksmolar upp á nákvæmlega það...

[Ransu, 16.2.2009 kl. 20:34]

Takk fyrir það Hildur.

Ég get þó lítið frætt þig um náttföt Pollocks. En sennilega er allt selt sem hann sletti á - líka það sem slettist út fyrir.