Sean Penn - Næstbesti leikari í heimi

Sean Penn er frábær leikari og sennilega einhver jafn besti kvikmyndaleikari samtímans.

Ég féll fyrir honum strax þegar hann lék dóphausinn Spicoli í Fast times at Richmont high (1982) sem er ógleymanleg háskólaköltmynd.

Hann var líka flottur í Bad Boys (1983) og hann hélt uppi stríðsmyndinni Casualties of War (1988) sem vondi gaurinn.

Í myndinni The Falcon and the snowman(1985) sýndi hann þó fyrst hvers megnur hann var og hefði vel átt inni óskarstilnefningu sem svikahrappurinn Daulton Lee þótt hann hefði ekki átt verðlaunin skilið.

Penn er nefnilega leikari sem alltaf virðist skila næstbesta hlutverki ársins.

Hann var með næstbesta hlutverkið árið 1995 sem Poncelet hinn dauðadæmdi í Dead man Walking á eftir óskarsverðlaunahlutverki Nicholas Cage í Leaving Las Vegas.

Jafnvel í eins lélegri mynd og HurlyBurly (1998) átti Penn stórleik, en ekki eins góðan og Ian McKellan í Gods and Monsters.

Árið 1999 var Kevin Spacey með besta hlutverkið sem gaurinn sem snappaði en varð um leið heilbrigður í American Beauty, en Penn með næstbesta hlutverkið í Sweet and Lowdown þar sem hann lék einmitt næstbesta gítarleikara heims.

Túlkun Penn á hinum þroskahefta Sam í I am Sam (2001) var ekki alveg eins áhrifamikil og túlkun Russels Crowe á geðklofanum með fallega hugann í A Beautiful mind.

Ég verð líka að viðurkenna að mér þótti Ben Kingsley eiga besta hlutverk ársins 2003 sem tilfinningabældi músliminn Massoud Behrani í House of Sand and Fog en Sean Penn átti næstbesta hlutverkið  sem skaphundurinn Markum í Eastwood myndinni Mystic River sem hann svo hlaut óskarinn fyrir.

Og núna fær Sean Penn óskarsverðlaunin á ný sem Milk í Milk en hefur horft á flest önnur verðlaun renna til Mickey Rourke í The Wrestler þetta árið.  Ég á eftir að sjá báðar myndirnar en ætla að ná þeim í þessari viku og sjá hvort Penn sé enn og aftur með næstbesta hlutverk ársins, eða ekki.

Viltu vinna milljarð? sigraði

Athugasemdir

[hilmar jónsson, 23.2.2009 kl. 22:29]

Carlitos way, ekki slæmur þar.

[Ransu, 24.2.2009 kl. 08:49]

Sammála, Hilmar, hann var fráðbær í henni.  En það fór í aukahlutverkakatagoríuna. Hann var þá nefndur til Golden Globe (ekki óskars) fyrir aukahlutverk og þurfti að etja kappi við Tommy Lee Jones í The Fugitive.

Penn átti sennilega næstbesta aukahlutverkið það árið.