Bókin - Íslensk samtímalist í dag

Einhverntíman nefndi ég á blogginu mínu að það ætti að gefa út bók með 50 samtímalistamönnum sem væri hugsuð sem sneiðmynd íslenskrar samtímalistar.  Margir lögði inn spurningar í athugasemdum sem ég gat ekki svarað þar sem að bókin var á frumstigi. 

Ég átti von á einhverjum hasar nú þegar bókin er komin út, en hún hefur farið svo hljóðlega um að ég get enn ekki svarað neinum spurningum. 

Þetta er flott bók, vandaðar myndir og textar um alla listamennina í dreifingu hjá góðu útgáfufyrirtæki. Tvímælalaust eigulegur gripur, það vantar ekki. Og vafalaust fínasta auglýsing fyrir íslenska samtímalist.

Það má auðvitað alltaf deila um hvort þessi eða hinn listamaðurinn eigi að vera í svona bók. En umræðunnar vegna langar mig til að koma inn á tvö atriði.

það er enginn ljósmyndari í þessum 50 manna hópi, ég er þá að tala um það sem kallast samtímaljósmyndun og á við um t.d. Pétur Thomsen, Spessa og Katrínu Elvarsdóttur o.fl..

Mér er það óskiljanlegt að sett sé aldurstakmark á hópinn. Ef verið er að tala um samtímalist að þá var Kristján Guðmundsson að vinna til merkilegra samtímalistaverðlauna, Hreinn Friðfinnsson er sennilega ferskari en flestir þeir sem yngri eru, ég tala ekki um Steinu Vasulka.  Hvað er þetta með aldur og íslenska samtímalist? 

Athugasemdir

[anna joelsdottir (IP-tala skráð) 4.7.2009 kl. 03:23]

góðir punktar Ransu.

ég hef ekki séð bókina og efa ekki að hún sé flott. Þegar ég sá tilkynninguna frá CIA hnaut ég um svipuð atriði og ekki síst þetta með aldursmörkin. Næ því  ekki hvað þessi krítería á að framkalla. Veit ekki hvort þetta er hugsunraleysi ,hugmyndaleysi eða hvað...