Erró - Stórval = 1-2

Gaman að sjá verk Stórvals í Gallerí Turpentine, en sýningin er í tilefni aldarafmælis meistarans mikla frá Möðrudal.

Stefán átti það til að þekja veggi með myndum sínum þegar hann sýndi og ef hann seldi mynd gastu tekið hana á staðnum, en Stefán mundi þá jafnvel mála aðra til að fylla í gatið.

Í Turpentine eru veggir þaktir myndum og mér sýnist að Svenni, galleríisti, hafi sama háttinn á og að maður geti bara tekið mynd með sér um leið og maður borgar.  Naglinn stendur þá eftir.

Í galleríinu er einnig sýnd heimildarmynd um Stefán þar sem meistaranum er fylgt eftir á heimaslóðum sínum. 

Gullatriði í myndinni er þegar Stefán gengur um sýningu Errós í íþróttahúsinu þegar haldið er upp á afmæli sveitarinnar og segir svo sperrtur "Erró sýnir bara í einum sal en ég í tveimur".

Athugasemdir

[Aron Ingi Ólason, 14.7.2008 kl. 00:26]

ég horði á þessa heimildamynd á rúv um daginn; greinilega stórskemmtilegur kall með mikið sjálfsálit gremjulegan húmor

[Hrafnhildur Ýr Vilbertsdóttir, 14.7.2008 kl. 03:17]

dásamleg ummæli hjá kallinum....

[Ásgeir Kristinn Lárusson, 14.7.2008 kl. 16:28]

Heimildamyndin um Stefán er að mínu mati ein sú allra besta, sem gerð hefur verið hér á landi á. Hrein og tær snilld...

Framtakið gott hjá Sveini og umhugsunarvert, hvers vegna hin obinberu söfn skyldu ekki gera Stefáni frá Möðrudal einhvers konar skil á aldarafmælinu.

[Heidi Strand, 14.7.2008 kl. 21:46]

Ég missti af heimildarmyndinni, en ég missti ekki af Stefáni sjálfum. Ég kynntist honum snemma á níunda áratug og hann var mjög skemmtilegur maður. Gaman að sjá hvað hann er orðin mikils metinn eftir hann kvaddi þennan heim. Hann skildi mikið eftir sig.

[Mundi (IP-tala skráð) 14.7.2008 kl. 23:47]

Leiðrétting: "Ég sýni í tveimur sölum, en Erró bara í einum!"

Ég er búinn að eiga þennan þátt á vídeóspólu í 12 ár og horfa milljón sinnum á hann

Gæfi hægri handlegginn fyrir eina Herðubreið eftir meistarann...... 

[Bjögga (IP-tala skráð) 15.7.2008 kl. 15:30]

Til hamingju með daginn frændi !

[Heidi Strand, 15.7.2008 kl. 16:04]

Mundi. Enginn veit hvað átt hefur fyrir en misst hefur.

[Ransu, 15.7.2008 kl. 21:56]

Takk Bjögga.  Aldurinn færist yfir. Og þú manst meira að segja daginn minn sem telur. Gaman að vita að þér þarna í úti í blogglandi.

Takk fyrir leiðréttingu Mundi...Veit samt ekki hversu hollt það er að kunna mynd utanbókar.  Kunni í den kvikmyndina Escape from New York utanbókar.  Eftir á að hyggja fóru margar dýrmætar klukkustundir í þennan lærdóm, sem var kannski eftir allt saman ekki tilgangslausari en margt sem maður lærði utanbókar í skóla.

Afmæliskveðja til allra